اول رابعة و متشال مرابعة

قالوا واحد اتنين

الجيش العربي فين

قلت ثلاثة اربعة

تلاقية متشال و مرابعة

و راكن علي اول رابعة

و بيبكي علي اللي اتباع

و بيحكي علي اللي اتهان

من يوم ما دخل اليانكيز

عاصمة الافغان

و منها راحو بسرعة علي عاصمة الرشيد

و ضاعت يا عيني بغداد

والعين التانية ياهووووووو

متوجهة علي دارفور

و كمان هناهوة بشير

مطلوب ولا لص خطير

قال اية يا عالم يا هوة

بيقولوا بيمحي اخوة

معقولة دة يا كلام

والله ولا في الاحلام

بيقولوا الاخ لاخوة

و مين بينصح اتفوة

دة عدو لينا بزمان

ومنتظر الايام

يمحيك و يمحي ابوك

و ياريت العقل يشوف

و ياريت العين ما تشوف

والحق مصيرة يبان

و لو اتمحت الابدان

وانطلق المارد فينا

قبل ما تنتهي اوطان

لو شايف نفسك في امان

كان غيرك اشطر يا شيطان

دة كاس علي الكل يدور

و هتشرب منو يا امور

ماتتنسي تقول للي بيقول

قال اية واحد اتنين

الجيش يا حبيبي فين

هنرد نقول ياعيوني

الجيش جواك مدفون

بقلمك تقدر تقول

بعلمك تقدر تكون

وتحقق كل الكون

طول ما ايمانك موجود

باله بيظل الكون

و بأخ بيحمي اخوة

و الارض تساع مليون

هاقول هنحرر ارض

و هاقولك هنحمي العرض

و الايام هتكون

by

M.H

31st March 2008